សំឡេងប្រជាធិបតេយ្យ
បង្ក្រាបករណីជួញដូរគ្រឿងញៀនក្នុងខេត្តរតនគិរី បាន៥ករណីក្នុងរយៈពេល៦ខែ
ដោយ កែវ រតនៈ និងស៊ុនណារិន ថ្ងៃព្រហស្បតិ៍ ទី20 មិថុនា ឆ្នាំ2013 ម៉ោង17:01
សមត្ថកិច្ចខេត្តរតនគិរី ឲ្យដឹងនៅថ្ងៃព្រហស្បតិ៍នេះថា ការបង្ក្រាបការជួញដូរគ្រឿងញៀនក្នុងខេត្តរយៈពេល៦ខែដើមឆ្នាំ២០១៣ មានចំនួន៥ករណី ដែលតិចជាងមួយករណី បើប្រៀបធៀបនឹងរយៈពេលដូចគ្នា ក្នុងឆ្នាំ២០១២។
ស្នងការនគរបាលខេត្តរតនគិរី និងជាអនុប្រធានអចិន្ត្រៃយ៍នៃគណៈកម្មការប្រយុទ្ធប្រឆាំងគ្រឿងញៀន លោក រ៉ាយ រៃ បានឲ្យដឹងក្នុងការប្រារព្ធទិវាអន្តរជាតិប្រយុទ្ធប្រឆាំងគ្រឿងញៀននៅមន្ទីរវប្បធម៌ ព្រឹកថ្ងៃព្រហស្បតិ៍នេះថា ក្នុងចំនោម៥ករណីនៃការបង្ក្រាបគ្រឿងញៀន សមត្ថកិច្ចខេត្តបានរឹបអូសបានថ្នាំប្រភេទយ៉ាម៉ាចំនួន ១០៨៧គ្រាប់ និងថ្នាំញៀនប្រភេទមេតំហ្វេតាមីន ឬថ្នាំទឹកកក ចំនួន៦៦ថងតូច និងវត្ថុតាងមួយចំនួនទៀត។ លោកបន្តថា ជនសង្ស័យដែលពាក់ព័ន្ធនឹងករណីជួញដូរគ្រឿងញៀននេះមានចំនួន៩រូប ស្រី២រូប ៖
អ្នកតំណាងរាស្ត្របក្សប្រឆាំង៖ រាជរដ្ឋាភិបាលកម្ពុជាលែងមានភាពស្របច្បាប់ទៀតហើយ
ដោយ សុទ្ធ គឹមសឿន និងនួន បូរិន ថ្ងៃព្រហស្បតិ៍ ទី20 មិថុនា ឆ្នាំ2013 ម៉ោង16:18
តំណាងរាស្ត្រគណបក្សសម រង្ស៊ី និងគណបក្សសិទ្ធិមនុស្ស បានប្រកាសប្រាប់ស្ថានទូតស្ថានបេសកកម្មបរទេស និងម្ចាស់ជំនួយពហុភាគី ដែលមាននៅក្នុង និងក្រៅព្រះរាជាណាចក្រកម្ពុជា ថា រាជរដ្ឋាភិបាលកម្ពុជាលែងមានសុពលភាពស្របច្បាប់ទៀតហើយ គឺចាប់ពីថ្ងៃទី៥ ខែមិថុនាតទៅ។
នៅក្នុងលិខិតផ្សព្វផ្សាយទៅស្ថានបេសកម្មនៅកម្ពុជា និងនៅបរទេស ដែលសំឡេងប្រជាធិបតេយ្យ ទទួលបាននៅរសៀលថ្ងៃព្រហស្បតិ៍នេះ បានលើកឡើងថា ដោយអនុលោមតាមមត្រា៧៦នៃរដ្ឋធម្មនុញ្ញ បានចែងថា ព្រះរាជាណាចក្រកម្ពុជាស្របច្បាប់ទៅបានលុះត្រាតែសភាត្រូវបានបង្កើតឡើង ដោយយ៉ាងហោចណាស់១២០តំណាងរាស្ត្រដែលជាប់បោះឆ្នោត។
CCIM នឹងរៀបចំសន្និសីទស្តីពីការស្នើសុំ របស់ពលរដ្ឋមុនការបោះឆ្នោត ជ្រើសតាំងតំណាងរាស្ត្រនីតិកាលទី៥
ដោយ ដួង សុខា ថ្ងៃព្រហស្បតិ៍ ទី20 មិថុនា ឆ្នាំ2013 ម៉ោង16:17
មជ្ឈមណ្ឌលកម្ពុជា ដើម្បីប្រព័ន្ឋផ្សព្វផ្សាយឯករាជ្យ (CCIM) ដោយបានទទួលការគាំទ្រផ្នែកថវិកាពីទីភ្នាក់ងារ សហប្រតិបត្តិការដើម្បីអភិវឌ្ឍន៍អន្តរជាតិ របស់ស៊ុយអែត (SIDA) នឹងរៀបចំសន្និសីទស្តីពីការស្នើសុំ របស់ប្រជាពលរដ្ឋមុនការបោះឆ្នោត ជ្រើសតាំងតំណាងរាស្ត្រ នីតិកាលទី៥ នៅព្រឹកថ្ងៃទី២៤ ខែមិថុនានេះ នៅសណ្ឋាគារ និងវីឡាអ៊ីមភើរៀល នាទីក្រុងភ្នំពេញ។
សេចក្តីប្រកាសព័ត៌មានរួម របស់មជ្ឈមណ្ឌលកម្ពុជា ដើម្បីប្រព័ន្ឋផ្សព្វផ្សាយឯករាជ្យ និងទីភ្នាក់ងារសហប្រតិបត្តិការ ដើម្បីអភិវឌ្ឍន៍អន្តរជាតិរបស់ស៊ុយអែត ចេញផ្សាយនៅថ្ងៃព្រហស្បតិ៍នេះ ឲ្យដឹងថា សន្និសីទនេះ នឹងលើកយកមកបង្ហាញនូវសំណូមពរ និងអនុសាសន៍មួយចំនួនដើម្បីផ្តល់ជូន គណៈកម្មាធិការជាតិរៀបចំការបោះឆ្នោត (គ.ជ.ប) ក្រោយពីការលើកឡើង របស់ប្រជាពលរដ្ឋក្នុងវេទិកាកម្រិតសហគមន៍ នៅរាជធានីភ្នំពេញ ខេត្តកំពង់ចាម ខេត្តតាកែវ និងខេត្តកណ្តាល។
សង្គមស៊ីវិល បារម្ភពីការប្រើគ្រឿងស្រវឹង នៅថ្ងៃបោះឆ្នោតជ្រើសតាំងតំណាងរាស្ដ្រ
ដោយ បូ សាវី និង អ៊ឹង ប៊ុនថន ថ្ងៃព្រហស្បតិ៍ ទី20 មិថុនា ឆ្នាំ2013 ម៉ោង15:35
អ្នកជំនាញផ្នែកគ្រឿងស្រវឹង ព្រះសង្ឃ ប្រជាពលរដ្ឋ និងតំណាងអង្គការនានា ជាង៦០នាក់ នៅខេត្ដសៀមរាប បារម្ភពីការប្រើប្រាស់គ្រឿងស្រវឹង នៅថ្ងៃបោះឆ្នោតជ្រើសតាំងតំណាងរាស្ដ្រអាណត្ដិទី៥ ថ្ងៃទី២៨ ខែកក្កដា ឆ្នាំ២០១៣ខាងមុខនេះ។
ក្ដីបារម្ភនេះ កើតឡើងនៅក្នុងសិក្ខាសាលាមួយនៅខេត្ដសៀមរាប ស្ដីពី "គ្រឿងស្រវឹង និងការបោះឆ្នោត" ដែលរៀបចំដោយមជ្ឈមណ្ឌលប្រជាពលរដ្ឋ ដើម្បីអភិវឌ្ឍន៍ និងសន្ដិភាព(ហៅកាត់ថា PDP) នៅព្រឹកថ្ងៃសុក្រ ទី២០ ខែមិនថុនា ឆ្នាំ២០១៣នេះ ។
អត្ថបទផ្សេងៗ...
- ជនជាតិដើមភាគតិចនៅឃុំដាក់ដាំ ខេត្តមណ្ឌលគិរី បារម្ភពីការខ្វះស្បៀងអាហារ
- ជនជាតិដើមភាគតិចក្នុងខេត្តមណ្ឌលគិរី ត្រៀមខ្លួនទៅបោះឆ្នោតនៅថ្ងៃទី២៨ខែកក្កដា
- អ្នកលក់ដូរ នៅផ្សារបានលុង ខេត្តរតនគិរី ត្អូញត្អែរពីការប្រមូលសំរាមយឺតយ៉ាវ
- កម្មកររោងចក្រ M&V3 បន្តបិទផ្លូវជាតិ ទាមទារឲ្យទទួលយកលក្ខខណ្ឌការងារ១១ចំណុច