នៅក្នុងខណៈពេលដែលកាលបរិច្ឆេទនៃការបោះឆ្នោតកាន់តែខិតចូលជិតមកដល់ ការចរាចរណ៍ព័ត៌មានកាន់តែមានសារៈសំខាន់ឡើង។ ការទទួលព័ត៌មានគ្រប់ជ្រុងជ្រោយ មិនលម្អៀង គឺជារឿងចាំបាច់សម្រាប់អ្នកបោះឆ្នោត។ ចំពោះអ្នកកាសែតវិញ ពួកគេមិនត្រូវសួរអ្នកបោះឆ្នោតថា បោះឆ្នោតអោយគណបក្សណានោះឡើយ។
បេសកកម្មមួយសប្តាហ៍របស់លោក សុរិយា ប្រាសាទ ស៊ូបែឌី អ្នករាយការណ៍ពិសេសរបស់អង្គការសហប្រជាជាតិទទួលបន្ទុកសិទ្ធិមនុស្សប្រចាំកម្ពុជាបានបញ្ចប់ហើយនៅថ្ងៃសៅរ៍នេះ។ ទស្សនកិច្ចលើកនេះហាក់បានបញ្ចប់ទៅដោយភាពធូរស្រាលជាងលើកមុនៗ។ ដោយលោកស៊ូបែឌីបានលើកឡើងអំពីលទ្ធផលជាវិជ្ជមានជាច្រើននៅក្នុងជំនួបរវាងរូបលោកជាមួយមន្ត្រីរដ្ឋាភិបាល។
គណៈកម្មាធិការជាតិរៀបចំការបោះឆ្នោត (គ.ជ.ប) បានផ្តើមអញ្ជើញអ្នកសង្កេតការណ៍មកពីបណ្តាប្រទេសអាស៊ានឲ្យមកត្រួតពិនិត្យការបោះឆ្នោតជ្រើសរើសមសាជិកសភានៅថ្ងៃទី២៨ ខែក្កដាខាងមុខ។ ការអញ្ជើញអ្នកសង្កេតការណ៍អន្តរជាតិឲ្យមកចូលរួមតាមដានការបោះឆ្នោតបានធ្វើឡើងខណៈដែលចំនួនអ្នកសង្កេតការណ៍អន្តរជាតិត្រូវគេរំពឹងថា នឹងថយចុះយ៉ាងច្រើនបើធៀបនឹងការបោះឆ្នោតមុន។
ភ្ញៀវប្រចំាសប្តាហ៍របស់វិទ្យុបារំាងអន្តរជាតិនៅថ្ងៃសៅរ៍ ទី២៥ ខែឧសភានេះ គឺលោកឱម យិនទៀង ទេសរដ្ឋមន្រ្តី ប្រធានអង្គភាពប្រឆំាងអំពើពុករលួយ និងជាប្រធានគណៈកម្មការសិទ្ធិមនុស្សរបស់រដ្ឋាភិបាលកម្ពុជា។ ឆ្លើយនឹងសំណួររបស់គួច គន្ធារ៉ា លោកឱម យិនទៀងបានបញ្ជាក់ថា ជំនួបជាមួយលោកសុរិយា ស៊ូបេឌី អ្នករាយការណ៍ពិសេសរបស់អង្គការសហប្រជាជាតិកំពុងបំពេញទស្សនកិច្ចនៅក្នុងប្រទេសកម្ពុជា គឺជាជំនួបមួយមានលក្ខណៈស្និទ្ធិស្នាល និងនិយាយត្រង់ទៅ ត្រង់មក។
គណបក្សនយោបាយទាំង ៨ ដែលបានចុះឈ្មោះ ដាក់បេក្ខជនចូលរួមការបោះឆ្នោតជ្រើសតាំងតំណាងរាស្ត្រ នីតិកាលទី៥ នាថ្ងៃទី២៨ ខែកក្កដា នៅពេលនេះ បានចាប់ផ្សព្វផ្សាយពីលំដាប់លេខរៀងរបស់គណបក្សនិមួយៗ នៅលើសន្លឹកឆ្នោតប្រាប់ដល់សកម្មជនអ្នកគាំទ្រ នៅតាមវេទិកាជួបជុំផ្សេងៗគ្នា។
គណៈកម្មាធិការជាតិរៀបចំការបោះឆ្នោត គ.ជ.ប កំពុងរៀបចំអញ្ជើញអ្នកសង្កេតការណ៍មកពីប្រទេសសមាជិកអាស៊ាន ដើម្បីពួកគេអាចតាមដានដំណើរការបោះឆ្នោតនៅកម្ពុជា។ នេះជាលើកដំបូងហើយដែលកម្ពុជាអញ្ជើញអ្នកសង្កេតការណ៍មកពីប្រទេសអាស៊ានអោយចូលរួមសង្កេតការណ៍នៅក្នុងការបោះឆ្នោត។ ការបោះឆ្នោតជ្រើសតាំងតំណាងរាស្ត្រនីតិកាលទី៥ត្រូវបានប្រើថវិកាប្រមាណ២១លានដុល្លារ។
នៅព្រឹកថ្ងៃសុក្រ ទី២៤ឧសភានេះ អនុប្រធានគណបក្សប្រជាជនកម្ពុជា និងជាបេក្ខភាពនាយករដ្ឋមន្ត្រី លោក ហ៊ុន សែន បានចាប់ផ្តើមឃោសនាអំពីលេខរៀងទី៤ នៅលើសន្លឹកឆ្នោត របស់គណបក្សប្រជាជនកម្ពុជា។ លោកនាយករដ្ឋមន្ត្រី បានចាត់ទុកលេខរៀងទី៤ ជាលេខមានសំណាង ហើយនឹងនាំឲ្យគណបក្សប្រជាជនកម្ពុជារបស់លោក ឈ្នះការបោះឆ្នោត ដូចអាណត្តិទី៤ ដែលគណបក្សប្រជាជនកម្ពុជា ក៏ស្ថិតនៅលេខរៀងទី៤ លើសន្លឹកឆ្នោតដូចគ្នា។
នៅព្រឹកថ្ងៃទី ២៣ ឧសភា ម្សិលមិញ គណៈកម្មាធិការជាតិរៀបចំការបោះឆ្នោត បានរៀបចំពិធីចាប់ឆ្នោត កំណត់លំដាប់លេខរៀងឈ្មោះគណបក្សនយោបាយ នៅលើសន្លឹកឆ្នោត សម្រាប់ការបោះឆ្នោតជាតិ ថ្ងៃទី២៨កក្កដា ខាងមុខ ដោយមានសម្តេចព្រះសង្ឃរាជទាំងពីរគណៈ យាងចាប់សន្លឹកឆ្នោត។
គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានអំពាវនាវជាសាធារណៈអោយពលរដ្ឋអ្នកមានគណនីបណ្តាញសង្គមនានានៅតាមប្រព័ន្ធអ៊ីថឺនែត ជួយផ្សព្វផ្សាយអំពីព័ត៌មានត្រឹមត្រូវស្តីអំពីការបោះឆ្នោតខាងមុខ។
នៅព្រឹកថ្ងៃព្រហស្បតិ៍នេះ គណៈកម្មាធិការជាតិរៀបចំការបោះឆ្នោត គ.ជ.ប. បានរៀបចំពិធីចាប់ឆ្នោតកំណត់លំដាប់លេខរៀងឈ្មោះគណបក្សនយោបាយ នៅលើសន្លឹកឆ្នោត សម្រាប់ការបោះឆ្នោតជាតិ នាថ្ងៃទី២៨កក្កដា។ ពិធីចាប់ឆ្នោតនោះ ធ្វើឡើងដោយសម្តេចព្រះសង្ឃរាជទាំងពីរគណៈ គឺសម្តេចសង្ឃ ទេព វង្ស និងសម្តេចសង្ឃ បួរ គ្រី។
